Մադրիդի «Ռեալի» հարձակվող Կրիշտիանու Ռոնալդուն շատ դժգոհ է, որ աշխատում է Ռաֆայել Բենիտեսի գլխավորությամբ: Պորտուգալիայի հավաքականի ավագը կարծում է, որ իսպանացի մասնագետը համապատասխան մարզիչ չէ «Ռեալի» համար, եւ այդ մասին հայտնել է Արքայական ակումբի նախագահ Ֆլորենտինո Պերեսին, գրում է El Confidencial-ը:
«Այս մարզիչի հետ մենք ոչինչ չենք հաղթի»,- Պերեսի հետ զրույցում ասել է Ռոնալդուն:
Ավելի վաղ իսպանական մամուլում լուրեր էին շրջանառվում, որ Ռոնալդուին դուր չեն գալիս Բենիտեսի խաղային սխեմաները: Վերջերս պորտուգալացին չէր բացառել «Ռեալից» հեռանալու տարբերակը, ինչը դուր չէր եկել Ֆլորենտինո Պերեսին: Վերջերս 30-ամյա հարձակվողը դարձյալ հայտարարեց, որ ցանկանում է կարիերան ավարտել «Ռեալում»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։