Սպորտային պարերի մրցաշար Երեւանում. Սամբա, ռումբա, չա-չա-չա, ջայֆ (ֆոտոշարք)

00:25   15 նոյեմբերի, 2015

Երեւանի «Միկա» մարզադահլիճում նոյեմբերի 14-ին անցկացվել է սպորտային պարերի բաց մրցաշար, որի կազմակերպիչն է «Կրիստալ» պարային անսամբլը:

7-16 տարեկան եւ մեծահասակների մրցման մասնակիցները հանդես եկան լատինամերիկյան եւ եվրոպական պարերով: Նրանք պարեցին սամբա, ռումբա, չա-չա-չա եւ ջայֆ:

«Կրիստալ» անսամբլի գեղարվեստական ղեկավար Ժորա Մխիթարյանը NEWS.am Sport-ի թղթակցի հետ զույցում հայտնեց, որ մրցույթին մասնակցում են պարողներ Երեւանից ու Հայաստանի 4 մարզերից:

«Ունեինք նաեւ հյուրեր Վրաստանից եւ Արցախից: Ներկա էին պարային ակումբների մոտ 20 ղեկավարներ, ժյուրիի 15 անդամներ, այդ թվում՝ միջազգային մրցավարներ Վրաստանից եւ Ուկրաինայից: Մասնակիցները փորձում են ցուցադրել իրենց լավագույն որակները»,- նշեց Ժորա Մխիթարյանը:

Լուսանկարները՝ Արսեն Սարգսյանի / NEWS.am Sport



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։