Մարոկկոյի Կասաբլանկա քաղաքում մեկնարկած սամբոյի աշխարհի 40-րդ հոբելյանական առաջնությունում Հայաստանը նվաճել է մեկական արծաթե եւ բրոնզե մեդալ:
Սամբոյի եւ ձյուդոյի օլիմպիական մանկապատանեկան մարզադպրոցի սան, վանաձորցի Տիգրան Կիրակոսյանը 52 քաշային կարգում հասել է եզրափակիչ եւ մինչեւ վերջին րոպեն հաղթում էր 2 միավորով, ապա պահումով կորցրեց 4 միավոր, բայց վերջին վայրկյանին կարողացավ գցում կատարել, որը սակայն, մրցավարները չհաշվեցին, հաղորդում է Հայաստանի սամբոյի ֆեդերացիայի մամուլի ծառայությունը: 4:2 հաշվով հաղթել է ղազախ մարզիկը:
Տեսանյութում երեւում է, որ մրցամարտի վերջին վայրկյաններին հնարքը կատարվել է մինչեւ գոտեմարտի ավարտը:
Մրցումների առաջին օրը բրոնզե մեդալ է նվաճել նաեւ 57 կգ քաշային կարգում հանդես եկող զինծառայող-մարզիկ, ստեփանակերտցի Էռնեստ Հայրապետյանը:
Նոյեմբերի 14-ին Հայաստանի մարզիկներից ասպարեզ կմտնի Մաքսիմ Մանուկյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։