Արեւմտյան Հայաստանի հավաքականի 6-րդ ֆուտբոլիստը
09:09 11 նոյեմբերի, 2015Նոր ձեւավորվող ֆուտբոլի Արեւմտյան Հայաստանի հավաքականի 6-րդ խաղացողն է դարձել Երեւանի «Արարատի» ֆրանսահայ կիսապաշտպան Զավեն Բուլուտը, հաղորդում է Արեւմտյան Հայաստանի ֆուտբոլի ֆեդերացիայի մամուլի ծառայությունը:
23-ամյա Բուլուտը ֆրանսիական «Սենտ Էթյենի» սան է, իսկ «Արարատ» վերադարձել էր 2015-ի ամռանը: Նա հանդես է եկել նաեւ Ֆրանսիայի մինչեւ 17 տարեկանների հավաքականում:
Ավելի վաղ հավաքականը համալրել էին Հայաստանի երիտասարդական հավաքականի նախկին խաղացող, շվեյցարական «Սերվետի» ֆուտբոլիստ Հրաչ Յագանը, գերմանական «Կլեւեի» հարձակվող Լեւոն Կուրկչիյանը, գերմանական «Վեգբերգի» կիսապաշտպան Դավիթ Ազինը, բելգիական «Վոլյուվ Զավենտեմի» դարպասապահ Տիգրան Խանջարյանը եւ Հայաստանի երիտասարդական հավաքականի նախկին պաշտպան Վարանց Բզդիկյանը, որը ֆրանսիական «Մարսելի» սան է եւ վերջերս է խզել պայմանագիրը Լիբանանի «Նեջմեհի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.