Գարիկ Բարսեղյանը՝ միջազգային մրցաշարի հաղթող

Ազատ ոճի ըմբշամարտի Հայաստանի հավաքականը մասնակցում է Վլադիկավկազում ընթացող Օլիմպիական խաղերի կրկնակի չեմպիոն Սոսլան Անդիեւի անվան միջազգային մրցաշարին: 

57 կգ քաշային Գարիկ Բարսեղյանը դարձել է ոսկե մեդալակիր: Հայ ըմբիշը եզրափակիչում առավելության է հասել դաղստանցի Ռուստամ Կարախանովի նկատմամբ: Նույն քաշային կարգում Գառնիկ Մնացականյանը գրավել է երրորդ տեղը, հաղորդում է ՀԱՕԿ կայքը:

Հայաստանի հավաքականի անդամներ Գոռ Գրիգորյանը, Վոլոդյա Ֆրանգուլյանը, Դավիթ Սաֆարյանը եւ Վալտեր Մարգարյանը մեդալ չեն նվաճել:

Նոյեմբերի 7-ին մրցագորգ դուրս կգան 74 կգ, 86 կգ, 97 կգ եւ 125 կգ քաշային կարգի ըմբիշները: