Հենրիխ Մխիթարյանը՝ «Բորուսիա» - «Գաբալա» հանդիպման լավագույն խաղացող
09:12 6 նոյեմբերի, 2015Whoscored.com-ը ներկայացրել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունն ու գնահատականը ադրբեջանական «Գաբալայի» դեմ Եվրոպայի լիգայի չորրորդ տուրի խաղում:
Մխիթարյանը 5 հարված է կատարել դարպասի ուղղությամբ, 3 հարված՝ դարպասին: Հենրիխը կատարել է 59 փոխանցում 89.8 տոկոս ճշգրտությամբ: 26-ամյա կիսապաշտպանը մեկ անգամ հաղթող է դուրս եկել օդային պայքարում, երեք անգամ խլել է գնդակը, մեկ անգամ էլ կասցրել է մրցակցի գրոհը: Մխիթարյանը կանոնները խախտել է երկու անգամ, մեկ անգամ հայտնվել է խաղից դուրս վիճակում, նրա դեմ պայքարում երկու անգամ են խախտել կանոնները:
Մխիթարյանը ստացել է ամենաբարձր գնահատականը՝ 10: Հայ ֆուտբոլիստը ճանաչվել է հանդիպման լավագույն խաղացող:
Հիշեցնենք, որ «Բորուսիան» հաղթել է 4:0 հաշվով, իսկ Մխիթարյանը դարձել է գոլի եւ երկու գոլային փոխանցման հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.