Ֆուտբոլի Գերմանիայի առաջնության 10-րդ տուրում Դորտմունդի «Բորուսիան» սեփական խաղադաշտում 5:1 հաշվով առավելության հասավ «Աուգսբուրգի» նկատմամբ:
Հայաստանի հավաքականի կիսապաշտպան Հենրիխ Մխիթարյանն ազդրի մկանային խնդիրների պատճառով չէր հայտավորվել խաղին, սակայն դա Թոմաս Տուխելի թիմին չխանգարեց 3 անպատասխան գոլ խփել առաջին խաղակեսում: Հաշիվը 18-րդ րոպեին բացեց գաբոնցի հարձակվող Պյեր-Էմերիկ Օբամեյանգը, որի գոլին հաջորդեց գերմանացի կիսապաշտպան Մարկո Ռոյսի դուբլը 12 րոպեում: Ընդմիջումից հետո հյուրերը կրճատեցին հաշիվը, բայց խաղի վերջակետը դրեցին տանտերերը: Վերջնամասում Օբամեյանգը խփեց եւս 2 գոլ՝ խոշոր հաշվով հաղթանակ բերելով դորտմունդցիներին:
Գերմանիայի ընթացիկ առաջնությունում Օբամեյանգը գոլերի քանակը հասցրեց 13-ի եւ հավասարվեց ռմբարկուների ցուցակը գլխավորող Ռոբերտ Լեւանդովսկուն:
«Բորուսիան» 23 միավորով ամրապնդվեց երկրորդ տեղում եւ 7 միավոր զիջում է առաջատար Մյունխենի «Բավարիային», որը 10-րդ տուրից հետո ունի 100 տոկոսանոց ցուցանիշ:
Գերմանիայի առաջնություն, 10-րդ տուր
«Բորուսիա Դ.» - «Աուգսբուրգ»՝ 5:1
Պյեր-Էմերիկ Օբամեյանգ, 18, 85, 90+1, Մարկո Ռոյս, 21, 33 - Ռաուլ Բոբադիլիա, 49
«Բորուսիա Մ.» - «Շալկե»՝ 3:1
Լարս Շտինդլ, 32, Ռաֆայել, 70, Յուլիան Կորբ, 84 - Անդրեաս Կրիստենսեն, 44 (ինքնագոլ)
Հեռացում՝ Յոհանես Գեյս, 80 («Շալկե»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։