Վայդենֆելերը եւ Հոֆմանը՝ Հենրիխ Մխիթարյանին Բաքու չտանելու մասին
15:08 22 հոկտեմբերի, 2015Դորտմունդի «Բորուսիայի» դարպասպաահ Ռոման Վայդենֆելերը ճիշտ է համարում, որ գերմանական ակումբը Հայաստանի հավաքականի կիսապաշտպան Հենրիխ Մխիթարյանին չի տարել ադրբեջանական «Գաբալայի» դեմ Եվրոպայի լիգայի երրորդ տուրի արտագնա խաղին, որը կկայանա հոկտեմբերի 22-ին Բաքվում:
«Մխիթարյանին Դորտմունդում թողնելը ճիշտ որոշում էր: Դա էին պահանջում անվտանգության նկատառումները: Այդպես կլինի ավելի լավ»,- Վայդենֆելերի խոսքը մեջբերում է Kicker-ը:
«Բորուսիայի» գերմանացի կիսապաշտպան Յոնաս Հոֆմանն էլ ափսոսանք է հայտնել, որ Հենրիխ Մխիթարյանը թիմի հետ չէ. «Ցավոք, Մխիթարյանը մնաց տանը: Դա ակումբի որոշումն էր»,- ասել է Հոֆմանը, որը Բաքվում կայանալիք խաղում, ամենայն հավանականությումբ, մեկնարկային կազմում կփոխարինի հայ ֆուտբոլիստին:
«Գաբալա» - «Բորուսիա» խաղը կսկսվի Երեւանի ժամանակով 19:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։