Համաշխարհային ֆիթնեսի նորամուծություններն` Orange Fitness-ում

14:35   22 հոկտեմբերի, 2015

Orange Fitness պրեմիում ակումբը բոլորովին վերջերս հանդես եկավ մի շարք նորամուծություններով` ամբողջությամբ փոխելով ֆիթնեսի մասին պատկերացումները Հայաստանում:

NEWS.am Sport-ին Orange Fitness-ի մամուլի ծառայությունից հայտնեցին, որ այդ կերպ պրեմիում ակումբը հերթական անգամ ապացուցում է, որ հաջողությամբ է կատարում իր ստանձնած պարտավորվածությունը` ապահովել հայաստանյան ֆիթնեսի համաչափ զարգացումը համաշխարհային շուկայի հետ:

Այդ նպատակով Orange Fitness-ը ներմուծել է աշխարհահռչակ բրենդերի մարզասարքեր եւ ֆիթնես գույք` ամբողջությամբ թարմացնելով մարզասրահը, խմբակային մարզման սրահները եւ լողավազանային գոտին:

Բարձրագույն տեխնոլոգիաների շնորհիվ այսուհետ հնարավոր է պահպանել մարզումների անհատական ինֆորմացիան մարզասարքերի վրա, վազել նախընտրած քաղաքի փողոցներով, կիսվել հաջողություններով facebook-ում եւ այլն: Աշխարհում զարգացող ֆունկցիոնալ մարզումների նոր եւ հագեցած գոտու շնորհիվ մարզասրահի ձանձրալի ու բարդ թվացող մարզումները դարձել են հետաքրքիր, դինամիկ ու առավել արդյունավետ:

Մի ուրախալի լուր եւս. ակումբի անդամների հարմարավետության համար Orange Fitness-ն առաջարկում է նոր մոդել՝ ակումբային քարտի ձեռքբերում ապառիկ տարբերակով, եթե ունեք արդեն անդամագրված մտերիմ կամ ծանոթ: Ակումբը կարեւորում է, որ իր հաճախորդները մարզվեն իրենց մտերիմների կամ ծանոթների հետ` արդեն ձեւավորված ակումբային միջավայրը պահպանելու համար:

Այսօր աշխարհում հաջողության հասած մարդկանց շրջանում ֆիթնեսով զբաղվելը ոչ միայն ընդունված, այլեւ պարտադիր պայման է: Orange Fitness-ն արել է առավելագույնը, որ յուրաքանչյուր այցելու ակումբում գտնի այն ամենը, ինչ իրեն անհրաժեշտ է:

Ակումբի դռները բաց են բոլոր նրանց համար, ովքեր ցանկանում են անձամբ տեսնել եւ ծանոթանալ կատարված նորամուծություններին:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։