Ֆուտբոլի Չեմպիոնների լիգայի խմբային մրցաշարի երրորդ տուրում Լոնդոնի «Չելսին» հյուրընկալվելիս ոչ ոքի խաղաց Կիեւի «Դինամոյի» հետ: Կիեւում գրանցվեց 0:0 հաշիվը եւ «Չելսին» շարունակում է մեկ միավոր զիջել Ուկրաինայի չեմպիոնին:
G խմբի առաջատար պորտուգալական «Պորտուն» տանը 2:0 հաշվով հաղթեց Թել Ավիվի «Մաքաբիին» եւ վաստակեց 7 միավոր: «Չելսին» ունի 4 միավոր, «Դինամոն»՝ 5, իսկ «Մաքաբին» կրեց երրորդ պարտությունը:
F խմբում Մյունխենի «Բավարիան» Լոնդոնում 0:2 հաշվով պարտվեց «Արսենալին», որը վաստակեց առաջին միավորները: 2 թիմերն էլ ունեցան մի շարք գոլային պահեր, բայց դիպուկ գտնվեցին միայն լոնդոնցիները: 79-րդ րոպեին փոխարինման դուրս եկած ֆրանսիացի հարձակվող Օլիվյե Ժիրուն բացեց հաշիվը, իսկ Գերմանիայի հավաքականի կիսապաշտպան Մեսութ Օզիլն ավելացված ժամանակում խփեց տանտերերի երկրորդ գոլը:
«Բավարիան» առաջին պարտությունը կրեց ընթացիկ մրցաշրջանում:
Խմբի մյուս խաղում հունական «Օլիմպիակոսը» նվազագույն հաշվով արտագնա հաղթանակ տարավ Զագրեբի «Դինամոյի» նկատմամբ:
Չեմպիոնների լիգա, երրորդ տուր
F խումբ
«Արսենալ» (Անգլիա) - «Բավարիա» (Գերմանիա)՝ 2:0
Օլիվյե Ժիրու, 77, Մեսութ Օզիլ, 90+4
«Դինամո» (Զագրեբ, Խորվաթիա) - «Օլիմպիակոս» (Հունաստան)՝ 0:1
Բրաուն Իդեյե, 79
G խումբ
«Դինամո» (Կիեւ, Ուկրաինա) - «Չելսի» (Անգլիա)՝ 0:0
«Պորտու» (Պորտուգալիա) - «Մաքաբի» (Թել Ավիվ, Իսրայել)՝ 2:0
Վենսան Աբուբաքար, 37, Յասին Բրահիմի, 41
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։