Աշխարհի առաջնություն. Արամ Ավագյանը պարտվեց մեկնարկային մենամարտում

Քաթարի մայրաքաղաք Դոհայում մեկնարկած բռնցքամարտի աշխարհի առաջնությունում Հայաստանի ներկայացուցիչ, 56 կգ քաշային Արամ Ավագյանը մենամարտեց բելառուս Դմիտրի Ասանաուի հետ եւ պարտվեց 0:3 հաշվով:

Հիշեցնենք, որ Դոհայում վստահ հաղթանակով էր պայքարը սկսել Հայաստանի ներկայացուցիչ Հովհաննես Բաչկովը: 64 կգ քաշային կարգում հանդես եկող բռնցքամարտիկն առաջին մենամարտում մրցեց հարավկորեացի Հյունչուլ Լիմի հետ եւ երեք ռաունդներն էլ ավարտեց հաղթանակով՝ 3:0:

Հովհաննես Բաչկովը դուրս եկավ 1/8 եզրափակիչ եւ հոկտեմբերի 8-ին կմենամարտի Թուրքմենստանի ներկայացուցիչ Ազիզ Բեբիտովի հետ:

52 կգ քաշային Կորյուն Սողոմոնյանը հոկտեմբերի 7-ին կմրցի Պապուա Նոր Գվինեայի ներկայացուցիչ Չարլզ Կիամայի հետ: