ՖԻԴԵ նախագահ. Կարծում եմ՝ Հայաստանը կմասնակցի Համաշխարհային օլիմպիադային Բաքվում
00:54 6 հոկտեմբերի, 2015Շախմատի միջազգային ֆեդերացիայի նախագահ Կիրսան Իլյումժինովը վստահ է, որ Հայաստանի հավաքականը կմասնակցի 2016-ին Բաքվում անցկացվելիք Համաշխարհային օլիմպիադային:
«Մի քանի անգամ հանդիպել եմ Հայաստանի նախագահ Սերժ Սարգսյանի հետ, որը նաեւ Հայաստանի շախմատի ֆեդերացիայի նախագահն է, եւ ցանկանում եմ շնորհակալություն հայտնել նրան դիրքորոշման համար: Նա նպաստել է հայ շախմատիստների մասնակցությանը Բաքվում անցկացված աշխարհի գավաթի խաղարկությանը: Կարծում եմ՝ Հայաստանը կմասնակցի նաեւ Համաշխարհային օլիմպիադային Բաքվում եւ արժանի ելույթ կունենա»,- rsport-ին ասել է Կիրսան Իլյումժինովը:
Հիշեցնենք, որ Ադրբեջանի հավաքականը 2015թ. ապրիլին հրաժարվել է մասնակցել Հայաստանում անցկացված աշխարհի թիմային առաջնությանը: Համաշխարհային օլիմպիադան տեղի կունենա 2016թ. սեպտեմբերի 17-30-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.