Յուրա Մովսիսյան. Ինձ չսիրողները չեն փոխվի, իսկ աջակցողները կմնան ինձ հետ
16:44 25 սեպտեմբերի, 2015Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը եղել է ռուսական «ՆՏՎ Պլյուս» հեռուստաընկերության «Մեր ֆուտբոլը» ալիքի «Արտագնա մոդել» հաղորդման հյուրը:
«Ամերիկյան, դանիական, ռուսական խաղաոճերն օգնել են ինձ դառնալ այն, ինչ հիմա եմ: ԱՄՆ-ում ես ստացա արագություն, Դանիայում՝ համբերություն, դժվար պայմաններում խաղալու որակներ, իսկ Ռուսաստանում կատարելագործեցի ռմբարկուական որակներս:
«Սպարտակի» ֆանատները լավագույնն են Ռուսաստանում: Նրանք նաեւ ամենապահանջկոտն են: Մարդիկ ապրում են թիմի նվաճումներով եւ հոգսերով: Անցած մրցաշրջանում խաղադաշտում աշխատում էի, այս տարի վայելում եմ խաղը, մթնոլորտը:
Շատերը քննադատում են ինձ, ասում են, թե ավարտել եմ ֆուտբոլը, բայց ես ուշադրություն չեմ դարձնում: Ինձ չսիրողները չեն փոխվի, իսկ աջակցողները կմնան ինձ հետ: Ես խաղում եմ նրանց համար եւ ցանկանում եմ նրանց երջանկություն պարգեւել: Ես դեռ շատ գոլեր կխփեմ»,- ասել է Մովսիսյանը:
Հիշեցնենք, որ 27-ամյա հարձակվողը վերսկսել է մարզումները Ռուսաստանի առաջնության 10-րդ տուրի «Սպարտակ» - «Զենիթ» հանդիպումից առաջ: Սեպտեմբերի 26-ին կայանալիք խաղը կսկսվի Երեւանի ժամանակով 20:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.