«Սելտայի» պաշտպանն ափսոսանք է հայտնել Սուարեսի դեմ կեղտոտ խաղ ցուցադրելու համար
12:22 24 սեպտեմբերի, 2015Վիգոյի «Սելտայի» պաշտպան Սերխի Գոմեսը մեկնաբանել է «Բարսելոնայի» դեմ իսպանական Պրիմերայի 5-րդ տուրի խաղի դրվագը, որում նա միտումնավոր հարվածել էր ուրուգվայցի հարձակվող Լուիս Սուարեսի մեջքին: Գլխավոր մրցավարը չէր նկատել այդ դրվագը, սակայն խաղի վերջնամասում Գոմեսը դեղին քարտ էր ստացել այլ խախտման համար:
«Ցավում եմ տեղի ունեցածի համար: Երբ ֆուտբոլում էմոցիաները չափազանց շատ են լինում, կարող է տեղի ունենալ ամեն բան, սակայն ես չէի ցանկանում ցավ պատճառել Սուարեսին: Նա հիանալի ֆուտբոլիստ է»,- Սերխի Գոմեսի խոսքը մեջբերում է Marca-ն:
Հիշեցնենք, որ Վիգոյում կայացած խաղում կատալոնական ակումբը սենսացիոն պարտություն էր կրել 1:4 հաշվով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.