Սերգեյ Գորլուկովիչը` Յուրա Մովսիսյանի եւ Արաս Օզբիլիսի մասին
23:35 21 սեպտեմբերի, 2015Մոսկվայի «Սպարտակի» նախկին պաշտպան Սերգեյ Գորլուկովիչը խոսել է Հայաստանի հավաքականի ֆուտբոլիստներ Յուրա Մովսիսյանի եւ Արաս Օզբիլիսի մասին:
«Կուբանի» դեմ խաղում ինձ դուր եկավ Օզբիլիսի նպատակասլացությունը դեպի դարպասը, այն կիրքը, որով նա մտավ խաղի մեջ: Երեւում էր, որ մարդը կարոտել է լուրջ խաղային պրակտիկան ակումբում: Նա արագացումներ էր անում, բացվում էր եւ հարվածներ կատարում, սակայն խաղի ընթացքը փոխելու համար Արասի ջանքերը բավական չեղան: Բացի այդ, նա հայտնվեց խաղի վերջնամասում: Դա մոսկովյան ակումբի 3 փոխարինումներից միակն էր, որն ուժեղացրեց նրանց խաղը:
Ընդհանուր առմամբ, Յուրա Մովսիսյանն ավելի գոլ խփող ու արագ հարձակվող է, քան Զե Լուիշը: Յուրան սիրում է խաղալ խաղից դուրս վիճակին մոտ, իսկ դա կօգներ «Կուբանի» դեմ խաղում: Մովսիսյանը կարող է «կրակել» ցանկացած դիրքից եւ հաջող է գործում տարածության վրա: Սակայն այդ ամենն այն ժամանակ է, երբ նա առողջ է եւ լավ մարզավիճակում»,- Գորլուկովիչի խոսքը մեջբերում է «Спорт-Экспресс»-ը:
Հիշեցնենք, որ Ռուսաստանի առաջնության 9-րդ տուրում «Սպարտակը» Կրասնոդարում 0:3 հաշվով պարտվել էր «Կուբանին», որը տարել էր առաջին հաղթանակը: Վնասվածքից վերականգնվող Յուրա Մովսիսյանը չէր հայտավորվել խաղին, իսկ Արաս Օզբիլիսը «Սպարտակի» կազմում փոխարինման դուրս եկավ 67-րդ րոպեին՝ 4 րոպե անց ստանալով դեղին քարտ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.