Մխիթարյանի գոլը նպաստեց «Բորուսիայի» հաղթանակին, «Բավարիան» հետ չմնաց

Գերմանիայի առաջնության չորրորդ տուրում Դորտմունդի «Բորուսիան» մրցակցի խաղադաշտում 4:2 հաշվով առավելության հասավ «Հանովերի» նկատմամբ:

Գեղեցիկ գոլի հեղինակ դարձավ Հայաստանի հավաքականի կիսապաշտպան Հենրիխ Մխիթարյանը, որն օգտագործեց Գինտերի փոխանցումը: Ավելացված րոպեին Մխիթարյանը եւս մեկ գնդակ խփեց, սակայն խաղից դուրս վիճակում էր: Հայ ֆուտբոլիստը երրորդ գնդակն է խփում Գերմանիայի ընթացիկ առաջնությունում:

11 մետրանոցներից դուբլ ձեւակերպեց Պյեր-Էմերիկ Օբամեյանգը:

«Բորուսիայի» գլխավոր հետապնդող, չեմպիոնի տիտղոսը պաշտպանող Մյունխենի «Բավարիան» սեփական խաղադաշտում 2:1 հաշվով հաղթեց «Աուգսբուրգին»:

«Բորուսիան» 4 հաղթանակից հետո 12 միավորով գլխավորում է մրցաշարային աղյուսակը: Նույնքան ունի նաեւ երկրորդ տեղում ընթացող «Բավարիան», որը զիջում է գոլերի տարբերությամբ:

Գերմանիայի առաջնություն, չորրորդ տուր

«Հանովեր» - «Բորուսիա Դ.»՝ 2:4

Արթուր Սոբյեխ, 18, 53 – Պյեր-Էմերիկ Օբամեյանգ, 35, 11մ, 85, 11մ, Հենրիխ Մխիթարյան, 44, Մարտինշ Ֆելիպե, 67, ինքնագոլ

«Բավարիա» - «Աուգսբուրգ»՝ 2:1

Ռոբերտ Լեւանդովսկի, 77, Թոմաս Մյուլեր, 90, 11մ - Ալեքսանդեր Էշվայն, 43

«Բայեր» - «Դարմշտադտ»՝ 0:1

Այտաչ Սուլու, 8

«Հերտա» - «Շտուտգարտ»՝ 2:1

Գենկի Հարագուսի, 14, Ֆաբիան Լուստենբերգեր, 45+3 – Տոնի Շունյիչ, 36

«Ինգոլշտադտ» - «Վոլֆսբուրգ»՝ 0:0

«Այնտրախտ Ֆ.» - «Քյոլն»՝ 20:30-ին