US Open. 2011-ից հետո առաջին անգամ Սերենա Ուիլյամսը դուրս չեկավ եզրափակիչ
23:50 11 սեպտեմբերի, 2015Աշխարհի առաջին ռակետ Սերենա Ուիլյամսի պարտությամբ ավարտվեց թենիսի ԱՄՆ-ի բաց առաջնության կիսաեզրափակիչի երկրորդ հանդիպումը: Ամերիկացի մարզուհին 6:2, 4:6, 4:6 հաշվով պարտվեց իտալացի Ռոբերտա Վինչիին: 2011 թվականից հետո առաջին անգամ Սերենա Ուիլյամսը դուրս չի գալիս US Open-ի եզրափակիչ: «Մեծ սաղավարտի» մրցաշարերի կիսաեզրափակիչներում Սերենան չորրորդ անգամ է կարիերայում պարտություն կրում կիսաեզրափակիչում:
Այս մրցաշրջանում Սերենա Ուիլյամսը հաղթել է «Մեծ սաղավարտի» նախորդ երեք մրցաշարերում:
US Open-ի եզրափակիչում Ռոբերտա Վինչիի մրցակիցը կլինի իտալացի Ֆլավիա Պենետան, որը 6:1, 6:3 հաշվով առավելության է հասել աշխարհի երկրորդ ռակետ, ռումինացի Սիմոնա Հալեպին: Պենետան 33 տարեկանում առաջին անգամ է դուրս գալիս «Մեծ սաղավարտի» մրցաշարի եզրափակիչ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։