Բաքվում մեկնարկած շախմատի աշխարհի գավաթի խաղարկության առաջին փուլի առաջին դասական պարտիայում Հայաստանի ներկայացուցիչ Հրանտ Մելքումյանը սեւերով առավելության հասավ ամերիկացի Գատա Կամսկու նկատմամբ, Սամվել Տեր-Սահակյանը սպիտակներով ոչ ոքի խաղաց ռուսաստանցի Նիկիտա Վիտյուգովի հետ:
ԱՄՆ-ն ներկայացնող Սամուել Սեւյան սեւերով միավորը կիսեց ադրբեջանական շախմատի առաջատար Թեյմուր Ռաջաբովի հետ, Վարուժան Հակոբյանը սպիտակներով ոչ ոքի խաղաց չեխ Վիկտոր Լազնիցկայի հետ:
Հայաստանի ուժեղագույն գրոսմայստեր Լեւոն Արոնյանը սպիտակներով հաղթանակ էր տարել լյուքսեմբուրգցի Միխայել Վայդենկելերի նկատմամբ:
Գաբրիել Սարգսյանն առաջին փուլի առաջին պարտիայում սեւերով միավորը կիսել էր լեհ Մատեուշ Բարտելի հետ:
Առաջին փուլի երկրորդ դասական պարտիաները տեղի կունենա սեպտեմբերի 12-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։