Աշխարհի Գավաթ. Լեւոն Արոնյանը Բաքվում մեկնարկեց հաղթանակով
17:25 11 սեպտեմբերի, 2015Բաքվում մեկնարկած շախմատի աշխարհի գավաթի խաղարկության առաջին փուլում Հայաստանի ուժեղագույն գրոսմայստեր Լեւոն Արոնյանը հաղթանակ տարավ 120-րդ համար, լյուքսեմբուրգցի Միխայել Վայդենկելերի նկատմամբ: 1/64 եզրափակիչի առաջին դասական պարտիայում 9-րդ համար Լեւոն Արոնյանը խաղում էր սպիտակ ֆիգուրներով եւ առավելության հասավ 33-րդ քայլում: Սեպտեմբերի 12-ին շախմատիստները կանցկացնեն երկրորդ դասական պարտիան: Հավասարության դեպքում, կանցկացվի թայ-բրեյք:
44-րդ համար Գաբրիել Սարգսյանն առաջին փուլի առաջին պարտիայում սեւերով միավորը կիսել է 85-րդ համար, լեհ Մատեուշ Բարտելի հետ:
101-րդ համար Սամվել Տեր-Սահակյանը խաղում է 28-րդ համար Նիկիտա Վիտյուգովի (Ռուսաստան), 82-րդ համար Հրանտ Մելքումյանը՝ 47-րդ համար Գատա Կամսկու (ԱՄՆ) հետ:
ԱՄՆ-ն ներկայացնող Սամուել Սեւյանը (112-րդ համար) առաջին փուլում մրցում է ադրբեջանցի Թեյմուր Ռաջաբովի հետ, 79-րդ համար Վարուժան Հակոբյանը՝ 50-րդ համար Վիկտոր Լազնիցկայի (Չեխիա) հետ:
Մրցաշարը նոկաուտ մրցակարգով է, պարտվողը դուրս է մնում պայքարից: Աշխարհի գավաթի խաղարկությունը կավարտվի հոկտեմբերի 5-ին: Մրցանակային հիմնադրամը 1,6 միլիոն դոլար է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.