Ադրբեջանի սպորտի նախարար Ազադ Ռահիմովը հայտարարել է, որ զիջումների են գնացել՝ թույլ տալով Հայաստանի ուժեղագույն շախմատիստ Լեւոն Արոնյանին Բաքվում մասնակցել աշխարհի գավաթի խաղարկությանը:
«Ղարաբաղ այցելած մարդկանց մուտքն Ադրբեջան արգելված է: Ոմանք այնտեղ հայտնվում են չիմացությամբ, ոմանք ներողամտություն են հայցում: Բայց երբեմն Ադրբեջանն ընդառաջում է հանուն սպորտի»,- Ռահիմովի խոսքը մեջբերում է azerisport-ը:
Սեպտեմբերի 11-ին Բաքվում մեկնարկելիք շախմատի աշխարհի գավաթի խաղարկությունում Հայաստանը կներկայացնեն Լեւոն Արոնյանը, Գաբրիել Սարգսյանը, Հրանտ Մելքումյանը եւ Սամվել Տեր-Սահակյանը: ԱՄՆ-ի ներկայացուցիչների թվում են Վարուժան Հակոբյանն ու Սամուել Սեւյանը:
Հիշեցնենք, որ Ադրբեջանից եւ Շախմատի միջազգային ֆեդերացիայից անվտանգության երաշխիքներ ստանալուց, ՖԻԴԵ-ի նախագահ Կիրսան Իլյումժինովի միջնորդությունից հետո հայ շախմատիստները հայտնեցին աշխարհի գավաթի խաղարկությանը մասնակցելու որոշման մասին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։