Յուրա Մովսիսյան. Չեմ կարծում, որ տխրեցրինք մեր երկրպագուներին
23:18 7 սեպտեմբերի, 2015Գոլ չեմ խփել եւ գոհ չեմ իմ խաղից, սակայն կարեւորն այն է, որ թիմով կռվեցինք, ասել է Հայաստանի հավաքականի եւ Մոսկվայի «Սպարտակի» հարձակվող Յուրա Մովսիսյանը Դանիայի հետ Եվրոպայի առաջնության ընտրական մրցաշարի նախավերջին հանդիպումից հետո, փոխանցում է NEWS.am Sport-ի թղթակիցը:
«Չեմ ասի, որ հասանք մեր նպատակին, բայց կարեւորն այն է, որ բոլորս միասնական էինք եւ չեմ կարծում, որ տխրեցրինք մեր երկրպագուներին: Իմ պահը մեր միակ գոլային պահը չէր: Չգիտեմ, ինչը խանգարեց ինձ, երեւի ճիշտ որոշում չկայացրի: Թե ինչ ասաց խաղից հետո Սարգիս Հովսեփյանն, այդ մասին հարցրեք նրան, բայց նա լավ բաներ ասաց: Մարզիչը գոհ էր, քանի որ խաղադաշտում բոլորը կռվում էին՝ չվախենալով վնասվածք ստանալուց: 7-րդ րոպեից ցավ զգացի, սակայն ինչքան կարող էի, դիմացա: Չեմ ասի, որ շատ մեծ վնասվածք էր, բայց լավ ցավում էր»,- նշել է Յուրա Մովսիսյանը:
Դանիայի հետ 0:0 հաշվով խաղալուց հետո Հայաստանի հավաքականը 2 միավորով I խմբի մրցաշարային աղյուսակի նախավերջին տեղում է եւ կորցրել է անցումային հանդիպումների իրավունքի համար պայքարելու հնարավորությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.