«Մանչեսթեր Սիթին» ռեկորդային գումարով գնեց Դե Բրույնեին (ֆոտո)
19:36 30 օգոստոսի, 2015«Վոլֆսբուրգի» կիսապաշտպան Քեւին Դե Բրույնեն տեղափոխվեց «Մանչեսթեր Սիթի», հաղորդում անգլիական ակումբի կայքը:
Բելգիայի հավաքականի 24-ամյա ֆուտբոլիստն անգլիական ակումբի հետ կնքել է 6 տարվա պայմանագիր՝ ստանալով 17 համարի մարզաշապիկը: Դե Բրույնեի տրանսֆերը գնահատվում է 52 միլիոն ֆունտ ստերլինգ, ինչը ռեկորդային գումար է «Մանչեսթեր Սիթիի» տրանսֆերային պատմության մեջ:
Բելգիացին 2014-ին Լոնդոնի «Չելսիից» էր տեղափոխվել գերմանական ակումբ: Գերմանիայի նախորդ առաջնությունում նա մասնակցել էր 34 խաղի՝ դառնալով 10 գոլի եւ 20 գոլային փոխանցման հեղինակ: Դա Բունդեսլիգայի մեկ մրցաշրջանի գոլային փոխանցումների ռեկորդ էր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.