Տուխել. Վերջին պահին որոշեցի, որ Մխիթարյանը կխաղա
12:43 28 օգոստոսի, 2015Դորտմունդի «Բորուսիայի» գլխավոր մարզիչ Թոմաս Տուխելը, մեկնաբանելով Եվրոպայի լիգայի որակավորման փլեյ-օֆֆի պատասխան խաղում հաղթանակը նորվեգական «Օդդի» նկատմամբ, նշել է, որ մեկնարկային կազմում Հայաստանի հավաքականի կիսապաշտպան Հենրիխ Մխիթարյանին ընդգրկելու որոշումն ընդունել է վերջին պահին:
«Գոհ եմ խաղից: Մենք անցկացրինք գերազանց հանդիպում, ստեղծեցինք բազմաթիվ պահեր, խփեցինք յոթ գնդակ:
Մենք նախատեսել էինք հանգիստ տալ Մխիթարյանին, քանի որ նա մեծ ծանրաբեռնվածությամբ է խաղում վերջին շրջանում: Սակայն վերջին պահին փոխեցինք որոշումը եւ կարծում եմ, որ ճիշտ ենք արել»,- Տուխելի խոսքը մեջբերում է Bild-ը:
Հիշեցնենք, որ «Բորուսիան» հաղթել է 7:2 հաշվով: Գոլի եւ երկու գոլային փոխանցման հեղինակ դարձած Մխիթարյանը փոխարինվեց 64-րդ րոպեին:
26-ամյա ֆուտբոլիստը նոր մրցաշրջանի 7 հանդիպումներում խփել է 8 գնդակ, կատարել է 6 գոլային փոխանցում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.