Աշխարհի առաջնություն. Արսեն Ղազարյանը պարտվեց աշխարհի կրկնակի չեմպիոնին
12:09 25 օգոստոսի, 2015Ղազախստանի մայրաքաղաք Աստանայում ընթացող ձյուդոյի աշխարհի առաջնությունում պայքարի մեջ են մտել 66 կգ քաշայինները: Հայաստանի ներկայացուցիչ Արսեն Ղազարյանը մեկնարկային գոտեմարտում պարտության մատնեց Աբդուլ Ֆահիմ Ֆազլիին (Աֆղանստան), սակայն երկրորդ գոտեմարտում չկարողացավ հաղթահարել աշխարհի կրկնակի չեմպիոն Ռիշոդ Սոբիրովի (Ուզբեկստան) արգելքը:
Կանանց առաջնությունում Հայաստանի միակ ներկայացուցիչ Ժաննա Ստանկեւիչը մեկնարկում հաղթանակ տարավ իսրայելցի Ռոնի Շվարցի նկատմամբ, սակայն երկրորդ գոտեմարտում թույլ էր բրազիլացի Էրիկա Միրանդայից:
Առաջին օրը պայքարից դուրս էր մնացել Հովհաննես Դավթյանը: 60 կգ քաշայինների մեկնարկային գոտեմարտում Դավթյանը պարտվել էր ֆրանսիացի Վինսենտ Լիմարին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.