Հենրիխ Մխիթարյան. Տուխելը գտել է ինձ համար լավագույն խաղային դիրքը
23:12 24 օգոստոսի, 2015Հաջող մեկնարկի հիմքում լավ նախապատրաստական փուլն է, ասել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը Բունդեսլիգայի երկրորդ տուրում «Ինգոլշտադտի» նկատմամբ տարած հաղթանակից հետո:
«Հեշտ չէր: Առաջին խաղակեսում չօգտագործեցինք մի քանի գոլային պահեր: Ընդմիջումից հետո կարողացանք մեծացնել ճնշումը եւ խփել չորս գնդակ: Շատ կարեւոր է, որ Եվրոպայի լիգայում անցկացրած բարդ խաղից հետո հաղթանակ տարանք:
Շատ եմ աշխատում մարզումներին, որպեսզի օգուտ բերեմ թիմին: Կձգտեմ շարունակել նույն ոգով: Ամեն օր նոր օր է: Ես ձգտում եմ բարելավել խաղս: Շնորհակալ եմ Թոմաս Տուխելին, որը գտել է լավագույն խաղային դիրքն ինձ համար: Ուրախ եմ, որ օգնում եմ «Բորուսիային» գոլերով եւ գոլային փոխանցումներով:
Ակնհայտ է, որ անցած մրցաշրջանի համեմատ մեր խաղը շատ է փոխվել: Մենք խաղում ենք հարձակողական ֆուտբոլ: Եթե համեմատենք Կլոպի թիմի հետ, ապա փոխվել է խաղի համակարգը»,- Մխիթարյանի խոսքը մեջբերում է Բունդեսլիգայի պաշտոնական կայքը:
Հիշեցնենք, որ «Բորուսիան» հաղթել է 4:0 հաշվով, Հենրիխ Մխիթարյանը դարձել է գոլային փոխանցման հեղինակ, փոխարինվել է 74-րդ րոպեին: Դորտմունդյան երկու հաղթանակած խաղում խփել է 8 գնդակ, ոչ մի գոլ բաց չի թողել եւ գլխավորում է մրցաշարային աղյուսակը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.