FEMEN շարժման երեք ակտիվիստներ Ալեքսանդրա Շեւչենկոն, Յանա Ժդանովան եւ Աննա Բոլշակովան առեւանգվել են հունիսի 15-ին Դոնեցկում անհայտ անձանց կողմից: Ուկրաինա – Ֆրանսիա (0:2) հանդիպման օրը ակտիվիստները պատրաստվում էին առավոտվանից գործողություններ իրականացնել Դոնեցկում:
Սակայն քաղաք ժամանելուց անմիջապես հետո նրանց հսկողության տակ են վերցրել մոտ 15 տղամարդիկ, որոնք արտաքին տեսքով նման են եղել անվտանգության ծառայության աշխատակիցների: Փորձելով ազատվել հետապնդումից` ակտիվիստները հանվել են եւ նստել են հասարակական տրանսպորտ: Մոտ մեկ ժամ անց կապն աղջիկների հետ ընդհատվել է:
Հունիսի 16-ի գիշերը FEMEN-ի ակտիվիստները զանգել են Դոնեցկի հիվանդանոցներից մեկից, ուր նրանց տարել են Ուկրաինայի Անվտանգության ծառայության աշխատակիցները` հաստատելու, որ նրանք վնասվածքներ չունեն:
Բոլոր ակտիվիստներն առեւանգվել են Ուկրաինայի Անվտանգության ծառայության կողմից, հաղորդում է FEMEN-ի կայքը:
Շարժման ակտիվիստները նշում են, որ Եվրո-2012-ի մեկնարկից հետո ուժեղացել է ճնշումն իրենց վրա: Շարժման գրասենյակը գտնվում է մշտական հսկողության տակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։