Եվրոպայի առաջնություն. Արամ Ավագյանը կիսաեզրափակիչում է
09:05 13 օգոստոսի, 2015Բուլղարիայի Սամոկով քաղաքում ընթացող բռնցքամարտի Եվրոպայի առաջնությունում 56 կգ քաշային Արամ Ավագյանը քառորդ եզրափակիչում առավելության է հասել ռումինացի Նիկոլաե Ռազվան Անդրեիանային եւ ապահովել է բրոնզե մեդալ: Եզրափակիչի ուղեգրի համար Արամ Ավագյանը օգոստոսի 14-ին ռինգ դուրս կգա բրիտանացի Քայիս Աշֆակի դեմ: Արամ Ավագյանն ապահովել է նաեւ աշխարհի առաջնության ուղեգիր:
64 կգ քաշային Հովհաննես Բաչկովը քառորդ եզրափակիչ մենամարտում պարտություն է կրել լիտվացի Էվալդաս Պետրաուսկասից:
75 կգ քաշային կարգում Արամ Հովհիկյանը քառորդ եզրափակիչում պարտվել է վրացի Զաալ Կվաչատաձեին:
60 կգ քաշային կարգում Հայաստանը ներկայացնում էր Սամվել Բարսեղյանը, որը պայքարը սկսել է 1/8 եզրափակիչում եւ պարտվել է խորվաթ Մատեո Կոմադինային:
Այս քաշային կարգում այլ երկրներից հանդես էին գալիս վեց հայ բռնցքամարտիկներ (Գերմանիան ներկայացնում էր Ռոբերտ Հարությունյանը, Դանիան՝ Մարսել Տերտերյանը, Չեխիան՝ Հմայակ Ապերյանը, Բելգիան՝ Միքո Խաչատրյանը, Բելառուսը՝ Վազգեն Սաֆարյանցը): Կիսաեզրափակիչ է հասել Վրաստանի ներկայացուցիչ Օթար Երանոսյանը:
Պայքարից դուրս է մնացել նաեւ 52 կգ քաշային Կորյուն Սողոմոնյանը, որը մեկնարկել է քառորդ եզրափակիչից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.