Եվրոպայի առաջնություն. Հայաստանի երեք բռնցքամարտիկներ պարտվեցին մեկնարկային մենամարտերում
10:18 10 օգոստոսի, 2015Բուլղարիայի Սամոկով քաղաքում ընթացող բռնցքամարտի Եվրոպայի առաջնությունում Հայաստանի հավաքականի երեք մարզիկներ անհաջող են մեկնարկել:
49 կգ քաշային Արթուր Հովհաննիսյանը նախնական փուլում չի կարողացել հաղթահարել բուլղարացի Տինկո Բանաբակովի արգելքը:
69 կգ քաշային Վլադիմիր Մարգարյանը մեկնարկային մենամարտում պարտվել է Ֆրանսիայի ներկայացուցիչ Սուլեյման Սիսոկոյին:
81 կգ քաշային կարգում Նիկոլ Հարությունովը դարձյալ մեկնարկային մենամարտում տանուլ է տվել Չեռնոգորիայի ներկայացուցիչ Բոշկո Դրաշկովիչին:
Նախնական փուլում պարտություն էին կրել նաեւ 91 կգ քաշային Հենրիկ Սարգսյանը եւ +91 կգ քաշային Ռաֆայել Սիմոնյանը։
75 կգ քաշային Արման Հովհիկյանը առաջին շրջանում առավելության է հասել Հունաստանի ներկայացուցիչ Պավլոս Ցագրակոսի նկատմամբ։ 1/8 եզրափակիչում Հովհիկյանի մրցակիցը կլինի թուրք Օսման Այդինը։ Մենամարտը տեղի կունենա օգոստոսի 10-ին։
Նախնական փուլի արգելքը հաղթահարել է նաեւ 64 կգ քաշային Հովհաննես Բաչկովը, որն ուժեղ էր լատվիացի Արթուրս Ահմետովսից։ 1/8 եզրափակիչում Բաչկովի մրցակիցը օգոստոսի 10-ին կլինի Դանիայի ներկայացուցիչ Էնոք Մվանդիլա Պոուլսենը։
Օգոստոսի 10-ին պայքարը կսկսեն 56 կգ քաշային Արամ Ավագյանը։ 60 կգ քաշային Սամվել Բարսեղյանը օգոստոսի 11-ին հանդես կգա 1/8 եզրափակիչում: 52 կգ քաշային Կորյուն Սողոմոնյանը օգոստոսի 12-ին կանցկանի քառորդ եզրափակիչի մենամարտը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.