Հենրիխ Մխիթարյանն իսկական պրոֆեսիոնալ է, որից պետք է օրինակ վերցնել, ասել է Դորտմունդի «Բորուսիայի» գլխավոր մարզիչ Թոմաս Տուխելը Եվրոպայի լիգայի որակավորման երրորդ փուլում ավստրիական «Վոլֆսբերգերի» նկատմամբ 5:0 հաշվով հաղթանակից հետո: Գերմանական ակումբի եւ Հայաստանի հավաքականի կիսապաշտպանը դարձել է հեթ-տրիկի հեղինակ: Մխիթարյանը կատարել է նաեւ գոլային փոխանցում Մարկո Ռոյսին, որը բացել էր հաշիվը:
«Ես շատ ուրախ եմ թիմում ունենալ Հենրիխ Մխիթարյանի նման խաղացողի: Հաճելի է տեսնել, թե ինչպես է նա իրացնում իր տաղանդը:
Առաջին խաղակեսում պակասում էր խաղային կարգապահությունը: Ընդմիջումից հետո մենք կարողացանք վերադասավորվեր: Թիմը գործում էր լավ արագությամբ, ստեղծեց բազմաթիվ պահեր եւ խփեց հինգ գնդակ: Ես գոհ եմ երկրորդ խաղակեսից»,- Տուխելի խոսքը մեջբերում է «Բորուսիայի» կայքը:
Դորտմունդյան թիմը «Վոլֆսբերգերի» հետ առաջին խաղում հաղթել էր 1:0 հաշվով, Մխիթարյանը դարձել էր գոլային փոխանցման հեղինակ: «Բորուսիան» դուրս եկավ Եվրոպայի լիգայի որակավորման փլեյ-օֆֆ ռաունդ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։