«Բորուսիան» հաղթեց՝ 5:0, Հենրիխ Մխիթարյանի հեթ-տրիկը
00:22 7 օգոստոսի, 2015Եվրոպայի լիգայի որակավորման երրորդ փուլի պատասխան խաղում Դորտմունդի «Բորուսիան» ընդունեց ավստրիական «Վոլֆսբերգերին» եւ հաղթեց 5:0 հաշվով: Հայաստանի հավաքականի կիսապաշտպան Հենրիխ Մխիթարյանը դարձավ երեք գոլի հեղինակ: Երեք դեպքում հեռվից կատարած հարվածներով: Հաշիվը բացեց Մարկո Ռոյսը՝ օգտվելով հայ ֆուտբոլիստի արդյունավետ փոխանցումից: Երկրորդն աչքի է ընկել Պյեր-Էմերիկ Օբամեյանգը:
Մխիթարյանը հեռվից կատարած գեղեցիկ հարվածով դարձավ դաշտի տերերի երրորդ գոլի հեղինակը: Երկրորդ անգամ Մխիթարյանը ձախ եզրից մտավ տուգանային հրապարակ եւ փայլուն հարվածով գրավեց դարպասը: Երրորդ գոլը խփեց դարձյալ հեռվից կատարած հարվածով:
«Բորուսիան» դուրս եկավ հաջորդ փուլ: Առաջին խաղում գերմանական ակումբը հաղթել էր 1:0 հաշվով:
Որակավորման փլեյ-օֆֆ ռաունդի հանդիպումները տեղի կունենա օգոստոսի 20-ին եւ 27-ին:
Եվրոպայի լիգա
Որակավորման երրորդ փուլ, պատասխան հանդիպում
«Բորուսիա» - «Վոլֆսբերգեր»՝ 5:0
Ռոյս, 48, Օբամեյանգ, 64, Մխիթարյան, 73, 82, 86
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։