Հայաստանի ազգային հավաքականի ֆուտբոլիստ Ռոբերտ Արզումանյանը NEWS.am Sport-ի թղթակցի հետ զրույցում պատմեց Եվրո-2012-ից ստացած տպավորությունների մասին:
Ռոբերտ, ո՞ւմ ես համակրում այս մրցաշարում:
Դել Բոսկեին եւ Իսպանիայի հավաքականին եմ հավանում: Լավ են խաղում, բայց երեւի բավական է, ինչքան հաղթեցին:
Այսինքն, միշտ համակրում ես ուժեղագույնին:
Այո:
Ի՞նչ տպավորություն է թողնում այս Եվրոն:
Շատ լավ: Կարծում եմ` սա ուժեղագույն Եվրոն է, որը տեսել ենք: Բոլոր հավաքականները դուրս են գալիս դաշտ ֆուտբոլ խաղալու, այլ ոչ թե պաշտպանվելու:
Կա՞ հավաքական, որը հիասթափեցրեց:
Առաջին խաղում Հոլանդիան հիասթափեցրեց: Մնացած ամեն ինչ նորմալ է:
Ովքե՞ր են այս պահի դրությամբ ֆավորիտները:
Իսպանիա, Գերմանիա:
Ո՞ր ֆուտբոլիստն է ամենից լավ իրեն դրսեւորել:
Ալան Ձագոեւը:
Հայերի մեծամասնության ուրախությունը իռլանդացիների ջախջախիչ պարտության հետ կապված քե՞զ էլ փոխանցվեց:
Ի՞նչ մեղք ունեն իռլանդացիները մրցավարի սխալ որոշման համար: Մրցավարը կարող էր սխալ որոշում կայացնել նաեւ մեր օգտին: Ես սիրում եմ իռլանդացիներին եւ շոտլանդացիներին:
Զրուցեց Վերա Մարտիրոսյանը
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։