ԻՖՖ փոխնախագահ. Պերեսը հրաշալի գորածարար է, բայց որպես «Ռեալի» նախագահ զրո է
21:25 29 հուլիսի, 2015Ֆլորենտինո Պերեսը հրաշալի մարդ է, փայլուն գործարար, բայց որպես «Ռեալի» նախագահ զրո է, ասել է Իսպանիայի ֆուտբոլի ֆեդերացիայի փոխնախագահ եւ «Բարսելոնայի» նախկին նախագահ Ժոան Գասպարը։
«Պերեսն իր ոճի մեջ միակն է բիզնեսում։ Նա նաեւ հրաշալի մարդ է։ Բայց նա վատ է կատարում «Ռեալի» նախագահի պարտականությունները։ Ես չեմ հավանում Պերեսին «Ռեալի» նախագահի դերում, բայց նա ինձ գրավել է որպես մարդ եւ գործարար։
Ֆլորենտինոն ինձ եւ իմ թիմին քիչ վնաս չի հասցրել՝ պայմանագիր կնքելով Ֆիգուի հետ։
Կարծում եմ՝ Ֆլորենտինոն «Ռեալում» կմնա այնքան, ինչքան ցանկանա։ Մի օր նա կհասկանա, որ պետք է ճանապարհ տալ այլ մարդու։ Իրավիճակը կախված է նաեւ ակումբի անդամներից»,- Գասպարի խոսքը մեջբերում է AS-ը։
Պերեսը «Ռեալի» նախագահ է եղել 2000-2006 թվականներին։ Երկրորդ անգամ ընտրվել է 2009-ին։ 68-ամյա գործարարը զբաղվում է նաեւ շինարարական բիզնեսով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.