Ալեքսանդր Գրիգորյանը՝ «Պախտակորի» մարզչական շտաբում ընդգրկվելու մասին
23:49 20 հուլիսի, 2015Ռուսաստանցի ֆուտբոլային մարզիչ Ալեքսանդր Գրիգորյանն ընդգրկվել է ուզբեկական «Պախտակորի» մարզչական շտաբում եւ զբաղեցրել է խորհրդատու-մարզիչի պաշտոնը:
«Մենք աշխատում ենք «Պախտակորի» գլխավոր մարզիչի պաշտոնակատար Նուգմոն Հասանովի եւ ամբողջ մարզչական կոլեկտիվի հետ: «Պախտակորը» բացառիկ երեւույթ է Ուզբեկստանում: Այդպես միշտ է եղել եւ կլինի:
Ուզբեկստանում այժմ ֆուտբոլը հզորացնելու մեծ աշխատանք է տարվում: Մեծացել է ակումբների ֆինանսավորումը: Կառուցվել են գերազանց ստադիոններ: Նախորդ երեք մրցաշրջանում «Պախտակորը» երկու անգամ դարձել է երկրի չեմպիոն:
Ինձ համար լուրջ մարտահրավեր է այս թիմի մարզչական շտաբում աշխատելը, եւ ես ընդունում եմ այդ մարտահրավերը: Ընտրեցի Ուզբեկստանը, քանի որ ինձ հետաքրքիր է, այստեղ կան ստեղծագործելու եւ նորը փորձելու մեծ հնարավորություններ: Կձգտենք սուր մրցակցությունում առաջատար դիրքերում պահել հիմնական թիմին եւ ուժեղացնել ակումբը»,- Գրիգորյանի խոսքը մեջբերում է Sports.uz-ը:
48-ամյա հայ մասնագետի նախորդ ակումբը ռուսական «Տոսնոն» էր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.