Ֆորմուլա-1-ի մրցարշավորդ Ժյուլ Բյանկին մահացել է հիվանդանոցում
09:56 18 հուլիսի, 2015Ֆորմուլա-1-ի «Մարուսյա» թիմի ֆրանսիացի մրցարշավորդ Ժյուլ Բյանկին մահացել է հիվանդանոցում, Ֆրանսիայում, հաղորդում է lequipe-ը:
«Ժյուլը պայքարում էր մինչեւ վերջին վայրկյանը, բայց նրա ճակատամարտն այսօր ավարտվեց»,- ասվում է Բյանկիի ընտանիքի հայտարարությունում:
2014թ. հոկտեմբերի 5-ին Ճապոնիայի Մեծ մրցանակի ժամանակ Բյանկին 43-րդ շրջանում բախվել էր գերմանացի Ադրիան Սուտիլի բոլիդը մրցուղուց հանող էվակուատորին: Մրցարշավը կարմիր դրոշով ընդհատվել էր 47-րդ շրջանում: Բյանկին ստացել էր գլխի ծանր վնասվածք եւ կոմայի մեջ էր:
Հուլիսի 17-ին Ժյուլ Բյանկիի ծննդյան 25-րդ տարեդարձն էր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։