Վան Գալ. Վալդեսը չի համապատասխանում մեր փիլիսոփայությանը եւ պետք է հեռանա
10:52 16 հուլիսի, 2015«Մանչեսթեր Յունայթեդի» գլխավոր մարզիչ Լուի վան Գալը պատմել է, թե ինչու իսպանացի դարպասապահ Վիկտոր Վալդեսն անգլիական ակումբի հետ չի մեկնել ամերիկյան շրջագայությանը:
«Վալդեսը չմեկնեց մեզ հետ, քանի որ նա չի համապատասխանում թիմի փիլիսոփայությանը: Այն փիլիսոփայությանը, թե ինչպես պետք է խաղալ ֆուտբոլ եւ հավաքել լավ մարզավիճակ: Նախորդ մրցաշրջանում նա հրաժարվեց հանդես գալ երկրորդ թիմում: Բացի այդ, կան շատ այլ փիլիսոփայություններ, որոնց պետք է համապատասխանի «Մանչեսթեր Յունայթեդի» դարպասապահը: Եթե դու չես համապատասխանում դրանց, ապա ավելի լավ է հեռանաս: Մենք հնարավորություն ու նոր պայմանագիր տվեցինք Վալդեսին, սակայն նա չօգտվեց դրանից»,- մարզիչի խոսքը մեջբերում է Goal.com-ը:
Հիշեցնենք, որ 32-ամյա Վալդեսը 2015-ին է միացել «Մանչեսթեր Յունայթեդին»: Մինչեւ այդ նա 19 տարի անցկացրել էր «Բարսելոնայի» համակարգում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.