«Արարատի» կազմում Կրիմսկ մեկնող ֆուտբոլիստները
16:22 14 հուլիսի, 2015Երեւանի «Արարատը» հուլիսի 14-ին մեկնում է Կրիմսկ, որտեղ մինչեւ հուլիսի 27-ը հավաք կանցկացնի «Գիգանտ» մարզահամալիրում, գրում է ակումբի կայքը:
Հուլիսի 15-ին «Արարատը» ստուգողական հանդիպում կանցկացնի Ռուսաստանի նախորդ առաջնության բրոնզե մեդալակիր «Կրասնոդարի» հետ: Հանդիպումը կկայանա ռուսական ակումբի մարզաբազայում եւ կմեկնարկի Երեւանի ժամանակով 19:00-ին:
Հուլիսի 18-ին «Արարատը» կմրցի «Կուբանի» երկրորդ թիմի հետ, իսկ հուլիսի 23-ին կանցկացնի վերջին ընկերական հանդիպումը, որում մրցակիցը դեռ հայտնի չէ:
«Արարատի» կազմում Կրիմսկ կմեկնի նաեւ ամերիկացի կիսապաշտպան Բրայան դե լա Ֆուենտեն, ով վերադարձել է եւ նոր պայմանագիր է ստորագրել ակումբի հետ: Հավաքի ընթացքում «Արարատում» փորձաշրջան կանցնի 25-ամյա բրազիլացի հարձակվող Ֆելիպե Ռաֆայել դա Սիլվան, ով նախկինում հանդես է եկել «Պարանավայի», «Գուարանի», «Պարանաիբա» եւ «Էստրելա դե Նորտե» թիմերում:
Պայմանագիր է ստորագրվել նաև կիսապաշտպան Սարգիս Կարապետյանի հետ, շարունակում է փորձաշրջան անցնել պաշտպան Հայկ Չիլինգարյանը:
«Արարատի» ուսումնամարզական հավաքին կմասնակցեն հետեւյալ ֆուտբոլիստները.
Դարպասապահներ. Արամ Հայրապետյան, Գեւորգ Պրազյան:
Պաշտպաններ. Նորայր Գրիգորյան, Գորիկ Խաչատրյան, Ջուլիանո Խիմենես, Սուլեյման Կոնե, Ռաֆֆի Կայա, Վահե Մարտիրոսյան, Հայկ Չիլինգարյան:
Կիսապաշտպաններ. Կարլո Չուեկա, Ումարու Կաինա, Մոյսես Օրոզկո, Մհեր Սահակյան, Ռոբերտո Կասաբելյա, Արեգ Ազատյան, Բրայան դե լա Ֆուենտե, Բենիկ Հովհաննիսյան, Զավեն Բուլուտ, Սարգիս Կարապետյան:
Հարձակվողներ. Ալեքսանդր Ռակիչ, Գեւորգ Նռանյան, Ֆելիպե Ռաֆայել դա Սիլվա:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.