Կիրիլ Գրիգորյանն՝ Ունիվերսիադայի կրկնակի մեդալակիր

11:48   10 հուլիսի, 2015

Հարավային Կորեայի Կվանջու քաղաքում ընթացող Համաշխարհային ուսանողական խաղերում երկրորդ մեդալն է նվաճել Ռուսաստանի ներկայացուցիչ Կիրիլ Գրիգորյանը: Հրացանով 50 մետրից, երեք դիրքից Գրիգորյանը գրավել է երկրորդ տեղը: Չեմպիոն է դարձել չինացի Յան Հաոժանը: Բրոնզե մեդալը բաժին է հասել ֆրանսիացի Ալեքսիս Ռեյնոյին:

Գրիգորյանն ամառային Ունիվերսիադայում առաջին տեղն էր գրավել հրացանի 50 մետրից վարժությունում:

Հիշեցնենք, որ Կվանջուում Հայաստանն ունի մեկ ոսկե մեդալ, որն օղակների վարժությունում նվաճել է մարմնամարզիկ Արթուր Թովմասյանը:

Ունիվերսիադան կավարտվի հուլիսի 14-ին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։