Սերբիայում ընթացող «Ոսկե ձեռնոց» միջազգային հեղինակավոր մրցաշարին մասնակցող հայ 6 բռնցքամարտիկներից չորսն արդեն մտել են պայքարի մեջ:
Մեկնարկային մենամարտում վստահ հաղթանակ է տարել երիտասարդների աշխարհի չեմպիոն Անուշ Գրիգորյանը, ով առավելության հասավ Ղազախստանը ներկայացնող մարզուհու նկատմամբ:
Վստահ հաղթանակ է տարել նաեւ 60 կգ քաշային Անի Հովսեփյանը, ումից ընդամենը 15 վայրկյան պահանջվեց նոկաուտով հաղթելու համար:
Մեկնարկային մենամարտը հաղթանակով է ավարտել նաեւ 91 կգ քաշային Դավիթ Չալոյանը՝ ուժեղ գտնվելով բոսնիացի մրցակցից:
49 կգ քաշային Արսեն Աբգարյանը չի կարողացել հաղթահարել մեկնարկային փուլի արգելքը, փոխանցում են Հայաստանի բռնցքամարտի ֆեդերացիայից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։