L`Equipe. Մորմեկը վստահ է, որ Կլիչկոն վախենում է իրենից
13:24 3 մարտի, 2012Մարտի 3-ին Դյուսելդորֆում կայանալիք գերծանրքաշային կարգի WBA/WBO/IBF/IBO վարկածներով աշխարհի չեմպիոնի Վլադիմիր Կլիչկո - Ժան Մարկ Մորմեկ մենամարտից առաջ ֆրանսիացի բռնցքամարտիկը L`Equipe-ին պատմել է իր վախերի եւ հույսերի մասին:
«Մենամարտից առաջ ես միշտ վստահություն եմ ունենում, որ կհաղթեմ: Այն փաստը, որ մեր մենամարտը նախատեսված էր դեկտեմբերի 10-ին, բայց տեղափոխվեց` իմ օգտին էր, քանի որ ես ավելի շատ ժամանակ ունեցա նախապատրաստվելու համար: Այժմ ես ինձ զգում եմ ավելի արագ եւ ուժեղ:
Ռինգում ես միշտ լարված եմ եւ կենտրոնացած: Կլիչկոն իր մրցակիցներին հաղթել է` պարտադրելով սեփական մարտավարությունը: Չեմ կարծում, որ մեր մենամարտում նա կկարողանա դիմանալ իմ հարվածներին: Իսկական ճակատամարտ է լինելու: Կարծում եմ, որ իմ մրցակիցը վախենում է ուժեղ հարվածներից, հետեւաբար նա վախենում է նաեւ ինձնից:
Ինչ վերաբերում է ինձ, ապա ես յուրաքանչյուր մենամարտից առաջ յուրահատուկ վախ եմ զգում: Ես միշտ հարցնում եմ ինձ, թե ինչ գործ ունեմ այստեղ: Սակայն, երբ ներքին ձայնը փորձում է քեզ հետ կանգնեցնել մենամարտից, ինչ-որ տեղից իսկական ուժ է հայտնվում, որն առաջ է մղում դեպի հաղթանակ», - Մորմեկի խոսքը մեջբերում է L`Equipe-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.