Դավիդ Յուրչենկո․ Հնարավոր է՝ կան մարդիկ, որոնք գովազդում են Դմիտրի Ալենիչեւին
18:44 29 հունիսի, 2015Բաշկիրիայի «Ուֆայի» դարպասապահ Դավիդ Յուրչենկոն անդրադարձել է Դմիտրի Ալենիչեւի նշանակմանը Մոսկվայի «Սպարտակի» գլխավոր մարզիչի պաշտոնում։
«Եթե նայենք մրցաշարային աղյուսակին, ապա կտեսնենք, թե ով է ավելի ուժեղ մարզիչ՝ Դմիտրի Ալենիչեւը, թե մեր Իգոր Կոլիվանովը։ Ես ունեմ մեկ բացատրություն։ Հնարավոր է, որ կան մարդիկ, որոնք գովազդում են Ալենիչեւին՝ ձգտելով, որ նրա մասին միայն լավը խոսեն եւ գրեն։ Մեր Կոլիվանովը չունի նման մարդիկ։ Կարծում եմ՝ Ալենիչեւը կփորձի իր ֆուտբոլիստներին սովորեցնել սպարտակյան հայտնի ֆուտբոլը՝ «պատերով» ու արագացումներով»,- Յուրչենկոյի խոսքը մեջբերում է sport.business-gazeta.ru-ն։
Հիշեցնենք, որ 2011-ից մինչեւ այս մրցաշրջանի ավարտը Դմիտրի Ալենիչեւը գլխավորում էր Տուլայի «Արսենալը», որը դուրս մնաց Ռուսաստանի Պրեմյեր լիգայից, իսկ «Ուֆան» պահպանեց տեղն ուժեղագույնների լիգայում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.