Ամերիկայի Գավաթ. Բրազիլիայի հավաքականը լքում է պայքարը (ֆոտոշարք)
10:28 28 հունիսի, 2015Բրազիլիայի հավաքականը չկարողացավ հաղթահարել Չիլիում ընթացող ֆուտբոլի Ամերիկայի գավաթի խաղարկության քառորդ եզրափակիչի արգելքը:
Առանց Նեյմարի մնացած բրազիլացիները կիսաեզրափակիչի ուղեգրի համար պայքարեցին մրցաշարի գործող փոխչեմպիոն Պարագվայի հետ եւ պարտվեցին հետխաղյա 11 մետրանոց հարվածաշարով: Խաղի հիմնական ժամանակն ավարտվեց 1:1 հաշվով: Մինչեւ 72-րդ րոպեն բրազիլացիները Ռոբինյոյի գոլի շնորհիվ առջեւում էին հաշվի մեջ, սակայն Պարագվայի հավաքականը փրկվեց պարտությունից, իսկ հետխաղյա 11 մետրանոցներով դուրս եկավ կիսաեզրափակիչ: Բրազիլիայի հավաքականից 11 մետրանոցները դիպուկ իրացրին Ֆերնանդինյոն, Ֆելիպե Կոուտինյոն ու Միրանդան, իսկ Դուգլաս Կոստան ու Էվերտոն Ռիբեյրոն վրիպեցին:
Հանդիպման լավագույն ֆուտբոլիստ ճանաչվեց գերմանական «Այնտրախտի» պարագվայցի հարձակվող Նելսոն Վալդեսը:
Կիսաեզրափակիչում պարագվայցիները հունիսի 30-ին Կոնսեպսյոն քաղաքում կմրցեն Արգենտինայի հավաքականի հետ: Եզրափակիչի մյուս ուղեգիրը հունիսի 29-ին Սանտիագոյում կվիճարկեն Չիլիի ու Պերուի հավաքականները:
Ամերիկայի Գավաթ, քառորդ եզրափակիչ
Բրազիլիա – Պարագվայ՝ 1:1
Ռոբինյո, 15 – Դերլիս Գոնսալես, 72 (11մ)
11 մետրանոցներով՝ 3:4
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.