Եվրոպական խաղեր. Հայ ձյուդոիստների մրցակիցները
17:48 24 հունիսի, 2015Բաքվում ընթացող Եվրոպական խաղերի ծրագրով ձյուդոյի մրցաշարում Հայաստանի մարզիկներից առաջինը տատամի դուրս կգա 60 կգ քաշային Հովհաննես Դավթյանը, որն ունի 5-րդ վարկանիշը: Գյումրեցի ձյուդոիստը հունիսի 25-ին պայքարը կսկսի 1/8 եզրափակիչից: Նրա մրցակիցը կլինի սլովակ Տռբովիչ - թուրք Կաբա զույգի հաղթողը, հաղորդում է Հայաստանի պատվիրակության մամուլի ծառայությունը:
Հունիսի 25-ին տատամի դուրս կգա նաեւ Ժաննա Ստանկեւիչը: Նա կմրցի բրիտանացի Էդվարդսի հետ:
Հայաստանի հավաքականի երրորդ ներկայացուցիչը Դավիթ Նիկողոսյանը պայքարի մեջ կմտնի հունիսի 26-ին: Նա պայքարը կսկսի 1/16-րդ եզրափակիչից: Դավիթ Նիկողոսյանի առաջին մրցակիցը իսրայելցի Մուկին է:
Ձյուդոյի մրցաշարը համարվում է այս տարվա Եվրոպայի պաշտոնական առաջնությունը, նաեւ օլիմպիական վարկանիշային է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.