Հայաստանի մարզիկները՝ Եվրոպական խաղերում. Հովհաննես Բաչկով
11:34 21 հունիսի, 2015NEWS.am Sport-ը շարունակում է ներկայացնել Հայաստանի մասնակիցներին Բաքվում ընթացող Եվրոպական մարզական խաղերում:
Հովհաննես Բաչկով, բռնցքամարտ, 64 կգ քաշային կարգ: Ծնվել է 1992 թվականի դեկտեմբերի 2-ին Գյումրիում: Հայաստանի չեմպիոն, միջազգային մրցաշարերի հաղթող:
«Ադրբեջանի ռինգում հանդես գալու արդեն փորձ ունեցել եմ: Երկու անգամ մասնակցել եմ Բաքվում կայացած աշխարհի առաջնություններին: Գիտեմ, պատկերացնում եմ, թե ուր ենք գնում, որտեղ են պայքարելու, ինչ մթնոլորտում է անցնելու բոլորիս պայքարը մեդալի համար: Եվ արդեն փորձ ձեռք բերած ավելի վստահ եմ դուրս գալու Բաքվի ռինգ, որպեսզի հաղթանակ տանեմ: Սա շատ լավ հնարավորություն է այդ երկրում բարձրացնել մեր դրոշը եւ ապացուցել, որ մենք ուժեղ ենք: Կռվող տղայի համար էական չէ, թե որտեղ են մրցումները, ավելին՝ մենք ցույց կտանք մյուս բոլոր պետություններին, որ Հայաստանը ոչնչից չի ընկճվում եւ չի վախենում, որ Խաղերն անցկացվում են Բաքվում»,- NEWS.am Sport-ի թղթակցի հետ զրույցում ասաց Հովհաննես Բաչկովը:
Եվրոպական խաղերում 22-ամյա Բաչկովը ռինգ դուրս կգա հունիսի 21-ին: 1/8 եզրափակիչում նա Երեւանի ժամանակով 19:00-ին կհանդիպի ուկրաինացի Վիկտոր Պետրովի հետ:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.