Հայաստանի մարզիկները՝ Եվրոպական խաղերում. Սամվել Բարսեղյան
13:26 20 հունիսի, 2015NEWS.am Sport-ը շարունակում է ներկայացնել Եվրոպական խաղերում Հայաստանի մասնակիցներին:
Սամվել Բարսեղյան, բռնցքամարտ, 60 կգ քաշային կարգ:
Ծնվել է 1989 թվականի հունվարի 26-ին, Սեւան քաղաքում: Սամվել Բարսեղյանը բռնցքամարտի Հայաստանի հավաքակի անդամ է, հանդես է գալիս 60 կգ քաշային կարգում, 2005 թվականի Եվրոպայի պատանիների բրոնզե մեդալակիր է, 2014 եւ 2015 թվականների Հայաստանի չեմպիոն:
«Գտնվում եմ լավ մարզավիճակում: Շատ լուրջ եմ տրամադրված: Պարտության մասին չեմ մտածում, ոչ էլ երրորդ կամ երկրորդ տեղերի մասին: Այլ նպատակաուղղված եմ միայն ոսկե մեդալին: Ամեն ինչ կանեմ, որպեսզի միայն լավ մասնակցությամբ չսահմանափակվեմ: Շատ է խոսվում լարված, ճնշող մթնոլորտի մասին: Համաձայն եմ, լարված մթնոլորտը կարող է խանգարել մարզիկին, ազդել մարզիկի հոգեբանության վրա, բայց մյուս կողմից էլ կարող է նաեւ շատ օգնել մարզիկին, որ ավելի լավ մրցի, ավելի գոտեպնդվի եւ պայքարի մինչեւ վերջ հանուն հաղթանակի, ապացուցելու բոլորին, որ նա ամենաուժեղն է»,- այս մասին NEWS.am Sport-ի թղթակցի հետ զրույցում ասաց Սամվել Բարսեղյանը:
Սամվել Բարսեղյանը ռինգ դուրս կգա հունիսի 20-ին: Մրցակիցը բուլղարացի Էլիան Դիմիտրովն է:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.