Norway Chess 2015. Արոնյանը պարտվեց Տոպալովին, Կարլսենը վերջին տեղում է
00:28 20 հունիսի, 2015Ստավանգերում շարունակվող Norway Chess 2015 սուպերմրցաշարի չորրորդ տուրում Հայաստանի հավաքականի առաջատար Լեւոն Արոնյանը սեւերով խաղաց բուլղարացի Վեսելին Տոպալովի հետ եւ պարտվեց 58-րդ քայլում: Տոպալովը 3.5 միավորով գլխավորում է մրցաշարային աղյուսակը: Արոնյանն ունի 1 միավոր եւ նորվեգացի Յոն Լյուդվիգ Համերի հետ կիսում է նախավերջին տեղը:
Սենսացիոն անհաջող խաղ է ցուցադրում աշխարհի չեմպիոն Մագնուս Կարլսենը, որը չորս հնարավորից ունի կես միավոր եւ վերջին տեղում է: Չորրորդ տուրում համաշխարհային դասակարգման առաջին համարը սեւերով պարտվեց աշխարհի նախկին չեմպիոն, հնդիկ Վիշվանաթան Անանդին:
Չորրորդ տուր
Վեսելին Տոպալով (Բուլղարիա) - Լեւոն Արոնյան (Հայաստան)՝ 1:0
Անիշ Գիրի (Հոլանդիա) - Հիկարու Նակամուրա (ԱՄՆ)՝ 0.5:0.5
Ֆաբիանո Կարուանա (Իտալիա - ԱՄՆ) - Մաքսիմ Վաշյե-Լագրավ (Ֆրանսիա)՝ 0.5:0.5
Վիշվանաթան Անանդ (Հնդկաստան) - Մագնուս Կարլսեն (Նորվեգիա)՝ 1:0
Ալեքսանդր Գրիշչուկ (Ռուսաստան) – Յոն Լյուդվիգ Համեր (Նորվեգիա)՝ 1:0
Մրցաշարային դրություն. Տոպալով՝ 3.5, Նակամուրա՝ 3, Անանդ, Գիրի՝ 2.5-ական, Կարուանա, Վաշյե-Լագրավ, Գրիշչուկ՝ 2-ական, Արոնյան, Համեր՝ 1-ական, Կարլսեն՝ 0.5:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։