Եվրոպական խաղեր. Արամ Ավագյանը եւս պարտվեց

18:49   19 հունիսի, 2015

Բաքվում ընթացող Եվրոպական խաղերի ծրագրով բռնցքամարտի մրցաշարում Հայաստանի երրորդ ներկայացուցիչ Արամ Ավագյանը եւս պարտություն կրեց։ 56 կգ քաշային կարգի 1/8 եզրափակիչում հայ մարզիկը մրցեց բուլղարացի Ստեֆան Իվանովի հետ եւ պարտություն կրեց 1։2 հաշվով։

Առավոտյան մրցահերթում պարտություն էր կրել 49 կգ քաշային Արտյոմ Ալեքսանյանը, որը մենամարտել էր Իսրայելը ներկայացնող Դավիթ Ալավերդյանի հետ։

Հունիսի 18-ին 81 կգ քաշային Նիկոլ Արությունովը մեկնարկային գոտեմարտում 0:3 հաշվով պարտվեց լեհ Յորդան Կուլինսկուն՝ լքելով պայքարը:

Բռնցքամարտի մրցաշարում Հայաստանը կներկայացնեն նաեւ 60 կգ քաշային Սամվել Բարսեղյանը եւ 64 կգ քաշային Հովհաննես Բաչկովը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։