Norway Chess 2015. Լեւոն Արոնյանը դարձյալ ոչ ոքի խաղաց
23:07 18 հունիսի, 2015Ստավանգերում ընթացող Norway Chess 2015 սուպերմրցաշարի երրորդ տուրում Հայաստանի հավաքականի առաջատար Լեւոն Արոնյանը սպիտակներով խաղաց նորվեգացի Յոն Լյուդվիգ Համերի հետ: 57-րդ քայլում կողմերը պարտիան ավարտել են ոչ ոքի: Հայ գրոսմայստերն ունի 1 միավոր:
Աշխարհի նախկին չեմպիոն, հնդիկ Վիշվանաթան Անանդը սպիտակներով ոչ ոքի խաղաց ռուսաստանցի Ալեքսանդր Գրիշչուկի հետ:
Բուլղարացի Վեսելին Տոպալովը սեւերով պարտության մատնեց ֆրանսիացի Մաքսիմ Վաշյե-Լագրավին: Աշխարհի չեմպիոն Մագնուս Կարլսենը միավորը կիսեց հոլանդացի Անիշ Գիրիի հետ:
Ամերիկացի Հիկարու Նակամուրան պարտության մատնեց իտալացի Ֆաբիանո Կարուանային:
Նակամուրան ու Տոպալովը 2.5-ական միավորով գլխավորում են մրցաշարային աղյուսակը: 2 միավոր ունի Գիրին, 1.5-ական միավոր՝ Անանդը, Վաշյե-Լագրավն ու Կարուանան: Արոնյանից բացի, 1-ական միավոր են վաստակել նաեւ Գրիշչուկն ու Համերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։