Եվրոպական խաղեր. Մուսա Մուրթազալիեւը եւ Լեւան Բերիանիձեն պարտվեցին քառորդ եզրափակիչում
11:30 18 հունիսի, 2015Հայաստանը ներկայացնող Մուսա Մուրթազալիեւը (86կգ) եւ Լեւան Բերիանիձեն (125կգ) պարտվեցին Բաքվում ընթացող Եվրոպական մարզական խաղերի քառորդ եզրափակիչում:
Մեկնարկային գոտեմարտում դաղստանցի Մուրթազալիեւը 3:2 հաշվով հաղթել էր իսպանացի Թեյմուրազ Նասկիդաեւային եւ դուրս եկել քառորդ եզրափակիչ, որտեղ 1:4 հաշվով պարտվեց վրացի Սանդրո Ամինաշվիլիին:
Վրացի Լեւան Բերիանիձեն եւս պայքարը սկսել էր 1/8 եզրափակիչից՝ 7:2 հաշվով հաղթելով ռուս Խազիմուրատ Գատցալովին: Քառորդ եզրափակիչում Բերիանիձեն հանդիպեց բելառուս Ալեքսեյ Շեմարովին, որին պարտվեց 0:5 հաշվով:
Հունիսի 18-ին պայքարի մեջ էր մտել նաեւ 61 կգ քաշային Վոլոդյա Ֆրանգուլյանը, որն անհաջող էր մեկնարկել՝ 1/8 եզրափակիչում 0:7 հաշվով պարտվելով ադրբեջանցի Հաջի Ալիեւին:
Եթե Հայաստանի ներկայացուցիչներին հաղթած ըմբիշները հասնեն եզրափակիչ, նրանք հնարավորություն կստանան պայքարել բրոնզե մեդալի համար:
Հիշեցնենք, որ հունիսի 17-ին ազատ ոճի ըմբշամարտի մրցաշարում հանդես էին եկել նաեւ Հայաստանի ներկայացուցիչներ Գարիկ Բարսեղյանը (57կգ), Դավիթ Սաֆարյանը (65կգ) եւ Գրիգոր Գրիգորյանը (74կգ), որոնք մեդալ չէին նվաճել:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.