Վիդալը ավտովթարի է ենթարկվել, ֆուտբոլիստի կինը հոսպիտալացվել է (ֆոտոշարք)
11:14 17 հունիսի, 2015Թուրինի «Յուվենտուսի» կիսապաշտպան Արտուրո Վիդալն ավտովթարի է ենթարկվել Չիլիի մայրաքաղաք Սանտիագոյում, գրում է Marca-ն:
Չիլիի հավաքականի 28-ամյա ֆուտբոլիստն իր «Ֆերարիով» դուրս է եկել ճանապարհի երթեւեկելի գոտուց՝ բախվելով 2 մեքենաների: Վիդալի հետ է եղել նրա կինը, ով հոսպիտալացվել է: Ֆուտբոլիստն անվտանգության բարձիկների շնորհիվ խուսափել է վնասվածքներից եւ հետազոտվելուց հետո հեռացել է հիվանդանոցից:
Հիշեցնենք, որ այս օրերին Արտուրո Վիդալը մասնակցում է Չիլիում ընթացող Ամերիկայի գավաթի 44-րդ խաղարկությանը: Հունիսի 19-ին Չիլիի հավաքականը խմբային փուլի երրորդ տուրում մրցելու է Բոլիվիայի հետ:
Չիլիական մամուլում լուրեր են շրջանառվում, որ Վիդալին կարող են ազգային թիմից հեռացնել ոչ սթափ վիճակում մեքենա վարելու համար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.