Հայաստանի մարզիկները՝ Եվրոպական խաղերում. Հրաչյա Բաբայան
19:48 15 հունիսի, 2015NEWS.am Sport-ը շարունակում է ներկայացնել Եվրոպական մարզական խաղերում Հայաստանի մասնակիցներին։
Հրաչյա Բաբայան, հրաձգություն, հրացան։
Ծնվելէ 1996 թվականին, Երեւանում: Անձնական մարզիչն է Անդրանիկ Այվազյանը: 2014թ. պատանեկան Օլիմպիական խաղերի արծաթե մեդալակիր, 2014թ. աշխարհի երիտասարդական առաջնության փոխչեմպիոն, միջազգային մրցաշարերի մրցանակակիր։
«Հույսս մեծ է, ուժերս կչափեմ իմ հնարավորությունների չափով։ Ինձ համար շատ կարեւոր է այս մասնակցությունը, քանի որ ես իմ ցանկությամբ եմ մեկնում, բացի այդ իմ արդյունքները թույլ են տալիս, որ մասնակցեմ այս Խաղերին։ Ես հասկանում եմ, որ հնարավորինս բարձր արդյունք պետք է լինի։ Սա Բաքուն է, եւ մեր երկրի պատիվն այս Խաղերում մենք մարզիկներս պետք է բարձր պահենք։ Ես նաեւ գիտակցում եմ, որ մեդալ նվաճելու դեպքում ես ոչ թե իմ մարզական կարիերայում մեկ քայլով առաջ կգնամ, այլ նախեւառաջ պատվով կներկայացնեմ իմ երկիրը։
Հրաձգության մրցապայքարն այնքանով է տարբերվում մյուս մրցաշարերից, որ կրակակետում երկրպագուներ չկան, ոչ ոք չի փորձի հոգեբանորեն ազդել, չի բղավի, չի սուլի։ Սա շատ կարեւոր է։ Ես կրակակետում չեմ զգա, որ Բաքվում եմ»։
Հունիսի 15-ին Հրաչյա Բաբայանը մարզում է անցկացրել Բաքվում: Մարզչի Սեյրան Նիկողոսյանը հայտնել է, որ 18-ամյա հրաձիգը շատ լավ մարզավիճակում է: Հրաչյա Բաբայանը մեդալի համար կպայքարի հունիսի 16-ին: Նա կմասնակցի 10 մետր օդամուղ հրացանով վարժությանը: Մրցումը կսկսվի Երևանի ժամանակով առավոտյան 8-ին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.